Izki
Udaberria iritsi da, eta gure ibilaldiak hegoaldera eramango gaitu. Izkiko parke naturala kolorez aldatzen ari da, eta berriro ikus daiteke bertako fauna. Basoa eta harkaitza Arabako lurraldeko interesgarrienetakoa den parke natural honetako paisaia definitzen duten elementuak dira.
Oraingo honetan, udaberriko lehenengo egunetan Izkiko basoak ezin ederrago daudela ikusiko dugu. Horretarako, parkeak eskaintzen dizkigun bidezidor anitzen artean aukera genezake, bertako flora eta fauna gertutik ezagutzeko aproposak baitira.
ODS 15.4: Mendiko ekosistemen kontserbazioa
Mendialdeak gure planetaren azaleraren laurdena dira eta 1.100 milioi pertsona ingururi ematen diete babesa. Gainera, bertako arroek ur geza ematen diote munduko biztanleriaren erdiari baino gehiagori; horregatik da garrantzitsua mendiko ekosistemak eta haien biodibertsitate biologikoa kontserbatzea.
Nazio Batuen arabera, mendiko kriosfera - glaziarrak, elurra eta permafrosta - gero eta ahulagoa da tenperatura globalen etengabeko igoeraren ondorioekiko. Hori mehatxua da elikagaien segurtasunerako, ur gezaren hornidurarako eta ibai-garraiorako. 2019an, Munduko Meteorologia Erakundeak goi-bilera bat antolatu zuen mendietako biodibertsitatea salbatzeko epe luzeko ikuspegi intersekzionala duten politikak garatzeko ikerketa zientifikoan sakonduko zuen ibilbide-orri bat ezartzeko.
